Sinisha Mihajlovic ka thumbuar Arlind Ajetin, pas gabimit që bëri në ndeshjen e djeshme
Torino ka barazuar 1:1 ndaj Empolit në udhëtim në kuadër të Serie A. Mbrojtësi i Kombëtares shqiptare dhe Torinos, Arlind Ajeti, ka qenë figurë tragjike në barazimin 1:1 ndaj Empolit, transmeton Gazeta Express.
Ai ka qenë i pafat në këtë takim, pasi pasimin e tij drejt portierit e ndali uji që ishte mbledhur në fushë, duke i dhënë pastaj mundësinë Empolit që të barazonte 1:1.
“Nuk u zemërova me të, djaloshit i vjen keq për atë që ndodhi. Por i thashë se kur sheh një fushë në kushte të tilla, të cilat na penalizuan, ose e pason topin më fort, ose e ngre lart. Por këtë, futbollistët duhet ta dinë”, tha fillimisht Mihajlovic. 
“Ai bëri atë që duhej të bënte, nuk ishte e lehtë për të. Të vjen keq për atë naivitet, por mendoj se u paraqit mirë”, shtoi trajneri serb.
