Zërat e protestuesve po dëgjohen edhe brenda sallës së seancave në Kuvendin e Kosovës, raportojnë gazetarët nga salla e Kuvendit.
Ndërkohë forcat e policisë janë shtuar në numër duke ngritur edhe kordonë të dytë para hyrjes së Kuvend.
Protestues që po kundërshtojnë zgjedhjen e Hashim Thaçit president, janë mbledhur edhe te hyrja tjetër në rrugën “UÇK”. 
Protestuesit që deri më tani janë duke protestuar në sheshin “Skënderbeu” tashmë janë zhvendosur në anën tjetër, në sheshin “Adem Jashari” ku është edhe hyrja tjetër e Kuvendit të Kosovës.
Një aktivist i këtyre partive ka ftuar protestuesit që të shkojnë te ajo pjesë afër ndërtesës së komunës së Prishtinës për të kundërshtuar zgjedhjen e Hashim Thacit president.
