Militantët palestinezë në Rripin e Gazës thonë se janë të gatshëm për implementimin e marrëveshjes me Izraelin, që ishte ndërmjetësuar nga Egjipti.
Kjo shpalle u bë pasi në fillim të kësaj jave u vranë tetë palestinezë, nga sulmet ajrore izarelite, ndërsa disa izraelitë janë lënduar nga disa sulme me predha dhe raketa të shkrepura nga Gaza në Izrael.
Shpërthimi i armiqësive aktuale paraqet edhe dhunën më të keqe ndërmjet dy palëve për disa muaj. 
Krahu i armatosur i organizatës islamike Hamas, tha se është gati t’i ndalë luftimet, nëse Izraeli e ndalë atë që u cilësua si “agresion”.
Krahu i armatosur, i quajtur Brigadat e al-Qasamit, tha se edhe grupet e tjera të aramtosura do ta respektojnë marrëveshjen.
Izraeli as nuk e ka konfirmuar e as nuk e ka hedhur poshtë ekzistimin e marrëveshjes.
