Sektori i ndërtimit ka shënuar një rritje prej 21 përqind dhe tani, mund të thuhet se ai e ka marrë veten plotësisht.
Një fakt të tillë, kryeministri i Shqipërisë, Sali Berisha e deklaroi gjatë mbledhjes së sotme të qeverisë.
Duke shtuar se një rritje gjithashtu, ka shënuar edhe sektori i transportit, ai i industrisë etj.
Këto sipas tij, përbëjnë tregues të rëndësishëm që flasin për rritjen ekonomike të vendit.
Pa harruar që të përmendë edhe sektorin e turizmit, si një sektor që po tregon ecuri pozitive në rritje nga viti në vit. “Pritet që turizmi të ketë kulmin e tij në këtë sezon”, tha më pas Berisha.
Sipas kryeministrit, në një kohë kur bota dhe Evropa po preken nga një krizë reale, vendi ynë po shënon rritje të vazhdueshme, e cila është e dukshme.
