Një tjetër pjesëtarë i Policisë së Kosovës ka humbur jetën sot nga COVID 19.
Bëhet fjalë për policin Selver Maliqi, i cili nuk ka arritur t’i mbijetojë infektimit me coronavirus.
I ndjeri ishte magjistër i shkencave të kriminalistikës, ku punoi si hetues për shumë vite. Kontributi i Selver Maliqit për Kosovën ka qënë edhe gjatë kohëve më të vështira të kombit, kur në kohën e luftës i shërbeu atdheut.
Ai ishte ndër gjeneratat e para të policëve të Kosovës së pavarur.
Lajmin e ka bërë të ditur djali i tij Dardan Maliqi.
“Të Allah-ut jemi dhe te Allahu do të kthehemi – El Bekare(.)InshAllah Zoti të shpërblen me xhenetin më të lart O BABA JEM e ta bën të mundshme t’i takosh të dashurit e tu atje”, ka shkruar ai në Facebook.
