Një projekt inovativ, me ndikim të thellë në komunitet, ka marrë jetë falë vizionit të kompanisë gjigante “Frutex” dhe brendi ikonike “Golden Eagle”, të udhëhequra nga biznesmeni i suksesshëm z. Shaqir Palushi. Projekti, i quajtur “Golden Eco”, po shihet si një model frymëzues për zhvillim të qëndrueshëm dhe përgjegjësi shoqërore në Kosovë.
Ky iniciativë është menduar dhe organizuar me kujdes për të funksionuar në mënyrë efikase, gjithëpërfshirëse dhe afatgjatë. Menaxhuar nga Fondacioni Humanitar “Frutex & Golden Eagle” dhe i mbështetur fuqishëm nga kompania Frutex, projekti synon të krijojë një zinxhir vlerash ku çdo mbetje bëhet mundësi:
♻️ Letrat e ricikluara do të kthehen në fletore për nxënësit, duke ndihmuar arsimin dhe lehtësuar familjet.
♻️ Plastika do të transformohet në bursa për të rinjtë, duke investuar në të ardhmen e tyre akademike.
♻️ Metali do të kthehet në çanta për shkolla, duke ndihmuar fëmijët e komuniteteve.
♻️ Qelqi do të përpunohet për të krijuar kontejnerë të rinj për komunën, duke përmirësuar infrastrukturën e mbeturinave.
Një ekip i dedikuar do të kujdeset për grumbullimin dhe ndarjen e mbetjeve, duke e bërë këtë proces të rregullt, të pastër dhe të dobishëm për të gjithë.
“Golden Eco” është shumë më tepër se një projekt riciklimi – është një koncept ku ekonomia, arsimi, mjedisi dhe shëndeti publik bashkohen për të ndërtuar një të ardhme më të mirë për Kosovën.
Zhvillimet si ky projekt tregojnë qartë përkushtimin e “Frutex” dhe “Golden Eagle” jo vetëm si liderë në tregun e pijeve energjike dhe produkteve ushqimore, por edhe si promotorë të vlerave humane dhe zhvillimit të qëndrueshëm.
Në një kohë kur mbrojtja e mjedisit dhe përgjegjësia sociale janë më të rëndësishme se kurrë, “Golden Eco” e pozicionon Kosovën në hartën e iniciativave progresive, me potencial të madh për ndikim rajonal dhe më gjerë.
“Presheva Jonë” përgëzon këtë projekt vizionar dhe fton bizneset tjera të ndjekin këtë shembull të mrekullueshëm të ndërmarrësisë me ndikim social!
