Mediat që i kontrollon Vuçiqi po thonë se “shërbimi rus i inteligjencës ruse GRU dhe MI-6 duan luftë në Kosovë”. Kështu thotë eksperti i sigurisë Agim Musliu në një njoftim në faqen e tij të Facebook.
Sipas Musliut, deri vonë të njëjtit thoshin që vetëm perëndimorët po duan luftë.
Ky është komenti i plotë i Musliut:
Koment: Luftë në Kosovë nuk do të ketë! Por, lufta hibride e Serbisë po vazhdon. Nuk po dihet më se çka do të ndodhë me raportet e tyre me Rusinë. E di se, Rusia kontrollon grupet kriminale në Serbi, bashkë me Vuçiqin brenda tyre. Në anën tjetër , kam përshtypjen se Vuçiqi po përpiqet që të dalë disi “pa u lagur” nga këto grupe kriminale. Por, ai jo vetëm që është i lagur, por është krejt gjak… pikon me gjakun e krimit. 
