Presionet e faktorit ndërkombëtar, kanë rikthyer në detyrë 3 anëtarët e Komisionit Qendror të Zgjedhjeve (KQZ), mbështetës të linjës politike të opozitës. Nënkryetarja Dëshira Subashi, ka pranuar se reflektimi erdhi pas qëndrimeve që partnerët ndërkombëtarë bënë, në funksion të përgatitjes sa më të mirë të procesit zgjedhor.
Ka qenë edhe Koalicioni i Vëzhguesve Vendorë për zgjedhjet e 8 Majit, i cili i bëri thirrje opozitës që anëtarët e KQZ-së të propozuar prej saj të marrin pjesë në punën e komisionit duke përmbushur detyrimin e tyre ligjor dhe qytetar. Rekomandimet janë bërë në raportin e parë për zgjedhjet e 8 majit të bërë publikë nga koalicioni.
