Deklarata në një tubim parazgjedhor. Sipas tij zgjidhja me Kosovën, sipas propozimit të tij 4 pikësh
Kandidati për president i Serbisë, Boris Tadiç, ka ndërruar qëndrim në raport me Kosovën. Sipas mediave serbe, në një tubim parazgjedhor, ish-presidenti Tadiç ka thënë se Kosova nuk është zemra e Serbisë, por është secili qytetar i këtij vendi.
Deklarata është e para e këtij lloji, pasi Tadiç, derisa ishte president nuk e kishte thënë kurrë një gjë të tillë, por vazhdimisht kishte deklaruar se Kosova është zemra e Serbisë. Megjithatë, ai deklaroi se një zgjidhje për Kosovën është e mundur duke u bazuar në propozim e tij 4 pikësh.
Të dielën e ardhshme serbët do t’u drejtohen kutive të votimit për të zgjedhur presidentin e ri të vendit dhe përfaqësuesit e tyre në parlament dhe pushtetin vendorë. Boris Tadiç konsiderohet ndër pretendentët kryesorë për postin e kreut të vendit. 26 prill 2012 (gazeta-Shqip.com) 
