Presidenti i Federatës së Futbollit të Kosovës, Agim Ademi, po merr pjesë në punimet e Kongresit të 76-të të FIFA, i cili po mbahet në Vancouver të Kanadasë.
Ky kongres konsiderohet një nga ngjarjet më të rëndësishme në kalendarin e futbollit ndërkombëtar, ku përfaqësues nga mbarë bota diskutojnë për zhvillimet dhe drejtimet e ardhshme të lojës.
Në prag të fillimit të punimeve, Ademi zhvilloi një takim me presidentin e UEFA, Aleksander Čeferin. Gjatë këtij bashkëbisedimi u trajtuan zhvillimet aktuale në futboll, me fokus të veçantë te mundësitë për avancimin e mëtejshëm të futbollit në Kosovë. 
Në këtë aktivitet, presidenti Ademi po përfaqëson Federata e Futbollit të Kosovës së bashku me Sekretarin e Përgjithshëm, Markus Weidner. Pjesëmarrja e delegacionit kosovar në këtë kongres shihet si një mundësi për të forcuar marrëdhëniet ndërkombëtare dhe për të rritur prezencën e futbollit kosovar në arenën globale.
Gjatë punimeve të kongresit pritet të diskutohen tema kyçe që lidhen me zhvillimin e futbollit në nivel global, përfshirë reformat organizative, projektet zhvillimore dhe bashkëpunimet ndërmjet federatave.
FFK ka theksuar se mbetet e përkushtuar në avancimin e futbollit në vend dhe në ndërtimin e partneriteteve të reja ndërkombëtare, me synimin për të forcuar pozitën e Kosovës në skenën botërore të futbollit.
