Sipas shumë njerëzve, futbollistja më tërheqëse në botë, Alisha Lehmann, ka një dashuri të ri, pasi konfirmoi romancën e saj me Montel McKenzie, një futbollist pak i njohur dhe pjesëmarrës në reality show-n Love Island.
McKenzie festoi dje ditëlindjen e tij të 28-të, dhe ishte në shoqërinë e Lehmann dhe ndau foto me futbollistin zviceran në Instagram. Kështu, të dy konfirmuan se janë në një lidhje.
Fotografitë e publikuara “i vunë flakën” rrjeteve sociale, dhe Lehmann kështu gjeti një dashuri të re pas ndarjes nga futbollisti brazilian Douglas Luiz në qershor të vitit të kaluar.
Lehmann është parë më parë me pushime me McKenzie, dhe çifti postoi një video të lezetshme në Instagram.
Siç zbuloi një burim për The Sun, romanca e tyre filloi brenda Baller League, ku ata “klikuan” në fillim.
“Alisha e ka sjellë atë në apartamentin e saj në Como për pushime sekrete fundjave për ca kohë. Nuk mendoj se Montel mund ta besonte fatin e tij”, shtoi burimi i Sun.
Alisha është menaxherja e ekipit gjashtë anëtarësh të MVP-ve të United në Baller League, për të cilin luan Montel.
McKenzie ka luajtur për ekipe amerikane dhe angleze të ligave të ulëta si Ocean City, Woodford Town, TW Bulldogs, Hemel dhe Billericay gjatë karrierës së tij në futboll, ndërsa Lehmann është aktualisht lojtare e Comos, ku erdhi nga Juventusi.
