Bedri Hamza, kryetar i PDK-së, ka publikuar një fotografi nga takimi me Willaim Walker, ish-ambasador dhe njeriu që e njoftoi botën për krimin në Reçak.
Hamza ka vlerësuar lartë kontributin e ish-ambasadorit për Kosovën.
“Miqësia dhe kontributi i Ambasadorit William Walker për Kosovën janë të jashtëzakonshme.
Faleminderit për gjithçka që ke bërë për Kosovën, Ambasador!” – ka shkruar Hamza, ndër të tjera.
Postimi i plotë:
Ditën e sotme e nisa me mikun e madh të Kosovës, Ambasadorin William Walker. Në ditët e nderimit për viktimat e Masakrës së Reçakut, si çdo vit tjetër, Ambasadori Walker është pranë nesh, ashtu siç ishte edhe në janarin e vitit 1999, kur me guxim i dha jehonë botërore krimit serb në Reçak dhe nuk lejoi që e vërteta të mbetej e heshtur.
Miqësia dhe kontributi i Ambasadorit William Walker për Kosovën janë të jashtëzakonshme.
Faleminderit për gjithçka që ke bërë për Kosovën, Ambasador!
