Pas informatave për një hetim të mundshëm të Agjencisë për Parandalimin e Korrupsionit mbi pasurinë e presidentes Vjosa Osmani, këshilltari i saj për media, Bekim Kupina, ka deklaruar se nuk kanë marrë ndonjë informacion zyrtar në këtë drejtim.
Ai ka theksuar se presidentja Osmani mirëpret çdo verifikim nga institucionet që veprojnë në mënyrë të pavarur, të paanshme dhe bazuar në ligj e fakte të vërteta.
“Ne nuk kemi informacione të tilla, por Presidentja Osmani mirëpret çfarëdo verifikimi nga cilido institucion, që është i bazuar në pavarësi, paanshmëri, integritet, ligj dhe fakte të vërteta, por jo në fushata njollosjesh, të cilat dihet mirëfilli pse po ndodhin në këtë fazë”, ka thënë Bekim Kupina. 
