Ish-kryeparlamentari, Nexhat Daci varroset nesër në Prishtinë
Nesër do t’i jepet lamtumira e fundit ish-kryeparlamentarit të Kosovës, Nexhat Daci, i cili vdiq sot në moshën 81-vjeçare.
Daci do të varroset në varrezat e Dragodanit, ndërsa ceremonitë mortore do të zhvillohen sipas një agjende të detajuar të njoftuar nga familja.
Bazuar në njoftimin zyrtar, nga ora 09:00 deri në 11:45 do të mbahen homazhe në hollin e Kuvendit të Kosovës. Më pas, nga ora 12:00 deri në 12:45, do të organizohet Akademi Përkujtimore në Sallën Plenare të Kuvendit të Kosovës. Varrimi me nderime shtetërore do të mbahet nga ora 13:40 deri në 14:20, në Varrezat e Dragodanit.
Ky është njoftimi i plotë:
Ceremonitë mortore do të mbahen nesër, më 02.01.2026, sipas kësaj agjende zyrtare:
09:00 – 11:45
Homazhe – Holli i Kuvendit të Kosovës
12:00 – 12:45
Akademi Përkujtimore në Sallën Plenare të Kuvendit të Kosovës.
13:40 – 14:20
Varrimi me nderime shtetërore tek Varrezat në Dragodan:
Familja Daci falënderon të gjithë qytetarët, miqtë dhe dashamirët për ngushëllimet dhe respektin e treguar në këto momente zie.
E pamja do të mbahet nga data 03 deri më 05 janar, në Hotel Sirius, nga ora 10:00 – 17:00.
I përjetshëm qoftë kujtimi për të.
