Kandidatja për deputete e Lidhjes Demokratike të Kosovës me numrin 36, Rrezarta Krasniqi, ka reaguar ndaj deklarimeve të ministres në detyrë të Punëve të Jashtme, Donika Gërvalla-Schwarz, e cila njëkohësisht është edhe kandidate për deputete në listën e Lëvizjes Vetëvendosje!.
Krasniqi ka thënë se publikimi i listës së LDK-së, e cila këtë herë është pasuruar edhe me emrin e Ukë Rugovës, djalit të presidentit historik Dr. Ibrahim Rugova, “e ka pezmatuar kryediplomaten e dështuar”, siç e quan ajo.
Sipas saj, reagimet e Gërvalla-Schwarz janë shenjë frike dhe dëshpërimi para zgjedhjeve.
“Lista e LDK-së ka fuqi dhe peshë politike. Këtë e dinë mirë kundërshtarët tanë, prandaj edhe reagojnë në mënyrë të tillë,” ka shkruar Krasniqi. 
Ajo shton se Rugovizmi mbetet vizion politik i guximshëm dhe i dëshmuar, ndërsa, sipas saj, Gërvalla-Schwarz “nuk ka guxim të garojë e vetme, por fshihet pas LVV-së”.
