Përparim Rama është betuar si kryetar i Komunës së Prishtinës në mandatin e dytë.
Rama është betuar si kryetar të martën në seancën inauguruese të legjislaturës së re të Kuvendit Komunal të Prishtinës.
Betimi i tij është pritur me duartrokitje dhe ovacione nga asamblistët e Lidhjes Demokratike të Kosovës në sallën e Kuvendit Komunal.
Mirëpo, asnjë duartrokitje për betimin e Ramës nuk ka ardhur nga opozita komunale në Prishtinë: Lëvizja Vetëvendosje dhe Partia Demokratike e Kosovës.
Rama, në fjalimin e tij të parë si kryetar në mandatin e dytë, u ka bërë thirrje të gjitha subjekteve politike në Asamble që të punojnë bashkë për zhvillimin e kryeqytetit.
