Kandidati për kryetar të Gjilanit, Arbër Ismajli ka vazhduar takimet me bizneset në këtë komunë.
“Gjilani ka forcën e zhvillimit brenda vetes”, shkruan Ismajli.
“Përgjatë kësaj vizite folëm për zhvillimin e sektorit prodhues, sfidat e bizneseve gjilanase dhe rëndësinë e mbështetjes institucionale për ndërmarrjet që krijojnë punësim e zhvillim në qytet”, shton tutje ai.
Arbër Ismajli thekson se prodhuesit vendor duhet të kenë përparësi në shumë aspekte.
“E ritheksoj se në planin tonë qeverisës, prodhuesit vendor do të kenë përparësi përmes lehtësirave administrative, përmirësimit të infrastrukturës dhe partneritetit të drejtpërdrejtë me komunën”, përfundon Ismajli.
