Kadidati për kryetar të Fushë Kosovës, Besnik Osmani njofton se mbrëmë programit të tij qeverisës iu bashkua edhe Lëvizja për Bashkëveprim (LPB), me kryetarin Jeton Emini dhe kandidatin për Kuvendin Komunal, Majlind Sadriu.
Ai thotë se në një takim me strukturat dhe aktivistët e LPB-së, u dakorduan për një agjendë të përbashkët zhvillimi, me fokus të veçantë në përmirësimin e kushteve në lagjet e banuara nga komunitetet rom, ashkali dhe egjiptian.
“Bashkë për një Fushë-Kosovë gjithëpërfshirëse dhe zhvillim të barabartë për të gjithë!
Me energjinë dhe përkrahjen e pashembullt të qytetarëve, fitorja më 12 tetor është e sigurt. Fushë-Kosova PËRTEJ!”, thotë ai.
