Kandidati për kryetar të Komunës së Gjilanit nga Lidhja Demokratike e Kosovës (LDK), Arbër Ismajli, ka zhvilluar një takim të veçantë me Forumin Rinor të LDK-së dhe me rininë gjilanase, të cilin e ka cilësuar si “një takim të paharrueshëm plot jetë, vullnet dhe optimizëm”.
“Ishte një atmosferë plot jetë, vullnet dhe me shumë optimizëm. E pashë me sytë e mi se sa shumë të rinj e të reja kanë dëshirë me e pa ndryshimin pas 7 dite, me e pa një Gjilan të ri që u jep mundësi të rinjve dhe të rejave, që i dëgjon dhe që i respekton,” ka deklaruar Ismajli.
Ai theksoi se rinia e Gjilanit nuk do të jetë më spektatore, por pjesë aktive e ndryshimit rrënjësor që do të ndodhë në qytet.
“Rinia jonë është forca që ka vendosur të lëviz qytetin tonë drejt një epoke të re zhvillimi e ndërtimi. Ata janë gjenerata që po e merr përgjegjësinë në duart e veta, dhe ne do t’u japim mbështetjen, hapësirën dhe besimin që e meritojnë,” shtoi Ismajli.
Në fund, kandidati i LDK-së falënderoi Gentrit Murselin, kryetarin e Forumit Rinor të LDK-së, për punën dhe përkushtimin e tij në mbështetje të vizionit për një Gjilan të ri.
“Koha e rinisë gjilanase dhe vendimmarrjes së tyre tani ka ardhur. Kjo është epoka e tyre, dhe vetëm bashkë do ta shkruajmë historinë më të re të Gjilanit,” përfundoi Ismajli.
#BashkëPërFitore 👓
#GjilaniPërtej
#ArberIsmajli #LDK #113
