Kandidati i LDK-së për kryetar të Gjilanit, Arbër Ismajli, së bashku me kandidatët për Asamble, Demush Vokshin dhe Sami Ahmetin, vizituan sot Shoqatën e të Verbërve në Gjilan, të udhëhequr nga z. Bajram Spahiu.
Gjatë këtij takimi miqësor, Ismajli dhe ekipi i tij u njohën nga afër me sfidat dhe përditshmërinë e personave me shikim të dëmtuar, duke vlerësuar forcën, vullnetin dhe këmbënguljen e tyre për të mos u ndalur kurrë.
Ai theksoi se një qytet i denjë dhe me përplot të mira ndërtohet duke i dëgjuar të gjithë qytetarët, veçanërisht ata që shpesh mbeten jashtë vëmendjes. Ismajli premtoi se zëri i tyre do të përkthehet në vendime konkrete dhe politika të qarta, me mbështetje reale dhe trajtim institucional të përkushtuar.
“Ky besim është përgjegjësia jonë më e madhe. Ju siguroj se nuk do të jeni asnjëherë të harruar dhe dera e Komunës së Gjilanit do të jetë gjithmonë e hapur për ju”, u shpreh Ismajli.
#ArbërIsmajli #LDK #GjilaniPertej #BashkePerFitore #Inkluzion #MbështetjeQytetare
