Kandidati i Lidhjes Demokratike të Kosovës (LDK) për kryetar të Gjilanit, Arbër R. Ismajli, ka lansuar faqen e tij zyrtare në internet: www.arberismajli.info.
Në këtë faqe, qytetarët e Gjilanit mund të informohen nga afër me programin qeverisës dhe projektet konkrete që synojnë zhvillimin e qytetit.
“Tashmë është lansuar web faqja jonë zyrtare, ku mund ta gjeni të publikuar programin tonë qeverisës, me vizionin e qartë për Gjilanin e ri. Ju ftoj ta vizitoni dhe të njiheni nga afër me planin tonë për ndryshimin që e meriton qyteti ynë”, ka deklaruar Ismajli.
Ai ka theksuar se fushata e tij udhëhiqet nga motoja “#BashkëPërFitore”, duke theksuar se ndryshimi i shumëpritur për Gjilanin është i arritshëm vetëm me përkushtim dhe bashkëpunim qytetar.
