Kombëtarja e Kosovës U-21 i ka mësuar sot emrat e kundërshtarëve që do t’i ketë në grup në kualifikimet e Kampionatit Evropian 2027.
Dardanët e rinj përfunduan në grup me Spanjën, Rumaninë, Finlandën, Qipron dhe San Marinon.
Siç dihet, Evropiani U-21 në vitin 2027 do të mbahet në Shqipëri e në Serbi, pasi UEFA ua dha dy ditë më parë të drejtën e organizimit këtyre dy vendeve, përkundër polemikave dhe kritikave.
