Në vazhdën e debatit për skandalin e mishit, i cili u shit në Shqipëri si i Kosovës e që në të vërtetë ishte nga Brazili, gazetari Lirim Mehmetaj e ka cilësuar ministrin Faton Peci si njeri të korruptuar.
Mehmetaj, në “Debat Plus”, tha se ministri Faton Peci ka ardhur në pushtet me parimin kundër korrupsionit, por që, sipas tij, ka përfunduar i korruptuar “deri në palcë”.
“Je ardhë me bë transformime të jashtëzakonshme, e ke kartën kryesore mungesën e korrupsionit, e tash po e shohim se je i korruptuar në asht, në palcë. Më e keqja nuk je i interesum aspak me u marrë me atë problem. E pastaj duhet me bartë fajin te ndonjë gazetar”, tha ai. 
Sipas Mehmetajt, në Ministrinë e Bujqësisë ka edhe më shumë skandale të tjera sesa vetëm ky i mishit dhe i kompanisë “Apetit”.
