Një person është gjetur pa shenja jete sot, më 03.03.2024, në Sllovi të Lipjanit.
Rreth orës 17:00 Policia është njoftuar se trupi i pajetë i një personi është gjetur në rrugë.
Zëdhënësi i Policisë, Daut Hoxha, e ka konfirmuar rastin për KALLXO.com.
Sipas tij, viktima është një burrë i moshës 70-vjeçare.
Vdekjen e tij, sipas zëdhënësit të Policisë, e ka konstatuar mjeku, ndërsa në vendin e ngjarjes ka dalë edhe prokurori.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.
Policia është duke i vazhduar hetimet rreth rastit, i cili po trajtohet si hetim i vdekjes.
