Familja e M.L., 44-vjeçarit nga Roskoveci i cili u gjet i vdekur në shtëpinë e tij në Maqedoninë e Veriut, aty ku punonte që prej muajit janar për të siguruar jetesën e familjes së tij, mohon që ai të ketë vdekur nga koronavirusi. Në një bisedë telefonike me Dosja.al, bashkëshortja e tij, A.L, thotë se i shoqi vuante nga epilepsia, dhe s’ka dijeni për infektimin nga koronavirusi.
“Bashkëshorti im vuante nga epilepsia jo nga COVID-19. I kemi humbur kontaktet me të që prej datës 2 prill. Duam trupin ta qajmë”, thotë A.L, e cila thotë se nuk është informuar nga autoritetet shqiptare për autopsinë që i është bërë burrit të saj në Maqedoninë e Veriut, pas vdekjes.
