Orari i ri i qarkullimit të lirë të qytetarëve duket se po u pëlqen atyre më shumë se ai paraprak.
Ani pse thonë se më pak kanë dalë kur nuk ishin fare këto vendime.
Megjithatë, qytetarët shtojnë se shumicën e kohës dalin vetëm për shëtitje, raporton KOHA. 
Vendimi i ri i Qeverisë përfshin ndalimin e qarkullimit të qytetarëve dhe automjeteve private gjatë orës 17:00-06:00 përveç nevojave mjekësore ose për prodhim, furnizim dhe shitje të mallrave esenciale.
Sipas Asociacionit të Komunave të Kosovës, ky orar është shumë më i përshtatshëm se ai paraprak, ku qarkullimi ishte i ndaluar nga ora 10:00 deri 16:00.
Gjatë së premtes, Policia e Kosovës ka arrestuar 20 kosovarë në qytete të ndryshme për mosrespektimin e vendimit për parandalimin e përhapjes së covid-19.
Në raportin 24-orësh, evidentohet se më së shumti raste të tilla ka pasur në rajonet e Gjakovës, Prizrenit dhe të Prishtinës.
Të gjithë të arrestuarit, me vendim të prokurorit, janë liruar në procedurë të rregullt.
