Kryetari i komunës së Bujanocit, Shaip Kamberi, gjatë të hënës ka qëndruar për një vizitë zyrtare në Ambasadën shqiptare në Beograd. Në takim me Ambasadorin Shpëtim Çaushi është biseduar për rrjedhat e përgjithshme politike në rajon në dritën e zhvillimeve të fundit në Bujanoc me iniciativën për ndërrimin e emërtimeve të rrugëve .
Me këtë rast, Ambasadori Çaushi ka shprehur gatishmërinë e vet dhe të Ambasadës shqiptare për vazhdimin e bashkëpunimit me komunën e Bujanocit në të gjitha sferat me rëndësi për qytetarët e kësaj komune.
Ai ka potencuar gatishmërinë e tij dhe të Ambasadës për të vazhduar kontributin e filluar në sferën e arsimit në mënyrë që të vazhdohet angazhimi i tij dhe shtetit shqiptar të ndihmohen shqiptarët e Luginës së Preshevës në këtë sferë sikurse edhe në sferat e tjera me rëndësi jetësore. (EniSalihi) 
