Çmimet e qirave të apartamenteve në Shqipëri, me theks të veçantë në Tiranë, kanë shënuar një rritje prej rreth 9 për qind në fund 2011-ës, krahasuar me të njëjtën periudhë të një viti më parë.
Kjo ndodh, pasi kërkesa për të marrë banesa me qira po shtohet gjithmonë e më shumë, kurse shitjet e banesave kanë rënë ose kanë mbetur në vend që prej katër vitesh.
Sipas nëndrejtorit të Shoqatës së Ndërtuesve, Ilir Hebovija, banesat bosh e të pashitura, po jepen në një masë të konsiderueshme me qira, në mungesë të shitjes së tyre. 
Në kushtet e mosshitjes së banesave, bizneset e ndërtimit kërkojnë nga bankat të kreditojnë konsumatorët, me qëllim blerejn e një banese. Kjo do të rriste qarkullimin e kapitalit në këtë sektor, duke shtuar rrjedhimisht të ardhurat nga TVSH-ja në buxhet.
Sipas të dhënave zyrtare të Bankës së Shqipërisë, të ardhurat e mbledhura nga TVSH-ja, ku ndërtuesit kanë një kontribues kryesor, janë tkurrur ndjeshëm në tremujorin e tretë të vitit 2011.
