Ndërsa duhen edhe 32 ditë nga zgjedhjet në SHBA, një komedian amerikan ka luajtur rolin e një gazetari në rrugët e New York duke i bërë kalimtarët që të besonin se Hillary Clinton ka dhënë dorëheqjen nga gara Presidenciale pasi është diagnostikuar me Zika.
Tyler Fischer, ka pretenduar se është një reporter për BBC America dhe informon publikun për “lajmin” se Hillary ka dhënë dorëheqjen pasi është sëmurë dhe Donald Trump është me shumë gjasa Presidenti i ardhshëm i vendit.
[yframe url=’https://www.youtube.com/watch?v=RvPt7Nv5mHo’] 
Por si e kanë pritur njerëzit idenë se tashmë Trump nuk ka më rivalë. Në video shumë prej tyre duken të shokuar, të mërzitur madje ka edhe nga ata që flasin për teori konspirative e se kjo pritej.
Njerëzve që kanë shprehur frikë për të ardhmen nëse Trump do të vijë në pushtet, Fischer i ka pyetur edhe nëse do të vijojnë të qendrojnë akoma në SHBA, një pjesë e tyre ka shprehur besimin se do të largohet, ndërsa një djalë është shprehur se “Jo, pasi Kanadaja do të ndërtojë një mur që do të mbajë amerikanët jashtë”, duke ironizuar qëndrimet e kandidatit republikan për emigrantët.
