By Ylli Pata
Zbulohet letra fatale e Sllobodan Millosheviçit, një ditë para vdekjes së tij në burgun e Hagës.
Është e përjavshmja serbe Nedelnjik që ka publikuar tekstin nga një prej avokatëve më të mirë serbë që ka asistuar ish-presidentin serb, ndërkohë që përballej me akuzat për “krime kundër njerëzimit”. 
Sipas të përjavshmes serbe. Sllobodan Millosheviçi i ka shkruar një letër shefit të diplomacisë ruse, Sergej Lavrov, pikërisht për braktisjen që Moska i kishte bërë atij, duke e “shitur” tek perëndimorët sipas Sllobos.
Avokati Zdenko Tomanoviç, ka folur për numrin e ri të revistës javore serbe ai zbulon takimin e fundit me njeriun që mori përsipër rolin e kasapit të kroatëve, muslimanëve dhe shqiptarëve që jetonin në hapësirën e Jugosllavisë.
“Një ditë para se të gjendej i vdekur në qeli, Millosheviçi më kërkoi të shkoja më më herët në burg, dhe mori një laps e letër dhe e shkroi me dorë.
Më kërkoi më pas që ta dorëzoja në ambasadën ruse në Holandë, me kërkesën që ajo t’i dorëzohet ministrit rus, Sergei Lavrov.
Në letër, ai u ankua se ai ishte duke u helmuar në Tribunalin e Hagës dhe i kërkoi Rusisë për ta mbrojtur dhe për të shpëtuar atë.
Një ditë më pas, Millosheviçi u gjet i vdekur. “Tomanoviç ishte i vetmi shtetas i Serbisë që e pa Millosheviçin e vdekur në qelinë e tij
“Nedelnjik” intervistoi Tomanoviçin pikërisht pas vrasjes së kolegut të tij avokat Dragoslav “Misa” Ognjanoviç.
Tomanoviç ishte qartësisht i zhgënjyer dhe dha dorëheqjen,
“Misa u vra vetëm për shkak se ai ishte një avokat. Dhe në këtë moment, kjo është e vetmja gjë e rëndësishme. Për fat të keq, elitat tona politike dhe mediatike janë të kriminalizuara.
Kjo krijon një atmosferë që relativizon rëndësinë e kësaj vrasjeje.
Të vrasësh një avokat vetëm për shkak se po bënte punën e tij shkon përtej forcës së të gjithë numrave që na ofrohen.
Barazia dhe siguria e çdo qytetari nuk sigurohet duke transferuar përgjegjësinë në disa kohë të kaluara”, tha ish-avokati i Millosheviçit, duke akuzuar egërsisht Beogradin se ka dorë jo vetëm në vrasjet e sotme që po ndodhin në kryeqytetins erb, por edhe në larjet e hesapeve në të kaluarën.
Në intervistë të gjerë, Tomanoviç foli edhe për gjyqësorin në Serbi dhe të gjitha defektet e tij, ndikimin e politikës dhe medias mbi ligjin, mbrojtjen e Millosheviçit, lidhjen e mafias me politikën, por edhe me figura të njohura si
Aleksandar Tijaniç dhe Bogdan Tirnaniç, Miroslav Mishkoviç, Milan Beko apo edhe Emir Kusturica.
Ish-avokati i Sllobodan Millosheviçit nuk ka folur shumë, pork a thënë aq sa për të shkaktuar një trazirë pikërisht në prag të evenimenteve të mëdha siç është marrëveshja për Kosovën.
“Sllobon e vranë”? Kush? “Nuk e di, por Rusia nuk e mbrojti”, thotë ai….
/shtypi.net/
