Rusia lëshoi dhjetëra raketa dhe 60 dronë në infrastrukturën energjetike të Ukrainës të premten, duke dëmtuar tre termocentrale dhe duke shkaktuar ndërprerje masive, sipas autoriteteve ukrainase.
Presidenti Volodymyr Zelenskyy akuzoi Rusinë se synon dy hidrocentrale dhe kërcënon të shkaktojë një fatkeqësi mjedisore jo vetëm në Ukrainë, por edhe në Moldavinë fqinje.
Sulmi ishte i fundit në një seri sulmesh të intensifikuara ruse në mars. Javën e kaluar, Rusia lëshoi mbi 190 raketa dhe 140 drone Shahed kundër Ukrainës, tha Zelenskyy. Sulmet shkaktuan më shumë se 11.5 miliardë dollarë dëme në infrastrukturën energjetike të Ukrainës, vlerësoi Ministria e Energjisë e vendit. 
Do të duhen muaj për të riparuar dëmtimet në termocentralet, raportoi firma më e madhe private e energjisë elektrike në Ukrainë, DTEK. Dhe do të duhen vite për të riparuar hidrocentralin Dnipro, i cili u godit tetë herë gjatë sulmit të javës së kaluar, thanë autoritetet.
