Në vazhdën e emisionit festiv në Kanal10 ku po marrin pjesë ndër të tjerë edhe presidenti Ademi, derisa po e pyeste gazetarja për momentet që i ka përjetuar më së keqi në raport me punën në federatë, i pari i FFK-së ka befasuar me deklaratë, ku ka thënë se rastin që e ka përjetuar më së rëndi, ka qenë ai i lëndimit të Arbër Zenelit, i cili si pasojë e lëndimeve ka humbur kontrata me gjigandë evropianë.
“Pandemia në përgjithësi na ka lënduar në forma të ndryshme të gjithëve, por, ajo cka më brenë më së shumti është fati i keq i Arbër Zenelit i cili kishte dy momente tepër të rëndësishme për karrierën e tijë, njërin kur pritej të nënshkruante me Chelsean e i cili i dështoi për shkak të lëndimit, e më pas edhe nënshkrimi me Napolin, ku prap ishte lëndimi i cili e penalizoi Zenelin. Kjo do të thoja është dicka që më ka lënduar shumë”, ka thënë z. Ademi i cili zakonisht kur flet për djemt e kombëtares, shprehet si prindi për fëmijë, sepse ndjen sikur sukseset, ashtu edhe vështirësitë në karrierat rrespektive.
