Një polic i zgjedhur në detyrë të ruajë në spitalin Niguarda është arrestuar në mëngjes nën akuzën e vjedhjes së sendeve personale nga aktorja 57 vjeçare Maurizia Paradiso. Aktorja e njohur në botën e televizionit dhe të pornografisë mësohet se ka denoncuar për vjedhjen e 4,500 eurove dhe sendeve të tjera personale. Agjentët kanë ndaluar kolegun e tyre me inicialet R.P., 32 vjeç nga komisariati i Greco Turro.
Raportohet se Maurizia Paradiso e lindur mashkull përpara se të ndryshonte seksin, është ulur në dhomën e pritjes dhe ka hyrë në bisedë me policin që ndodhej në shërbim. Ky i fundit e ka ftuar të ulet në kabinën e policisë. Polici dyshohet se i ka vdekur viktimës bllokun ku ndodheshin 2,980 euro në kesh dhe 1500 euro në katër çeqe. Stafi i spitalit u pyet nga policia dhe treguan se kishin parë policin duke fshehur paratë në dy vende.
