(AIK-Presheva Jone)
Biznesmeni dhe kryetari i partisë Aleanca Kosova e Re (AKR), Behxhet Pacolli është bërë baba për herë të pestë. Prej ditës së mërkurë, Pacolli ka edhe një djalë, të cilin e ka pagëzuar me emrin Diar.
Lajmin e ka bërë të ditur vetë Pacolli, nëpërmjet rrjetit social Facebook. “Miq të nderuar, ju njoftoj se në familjen time këto ditë kemi momente gëzimi, Zoti na ka gëzuar, im shoqe ka lindur edhe një djalë, e kemi pagëzuar Diar, i lindur më 26.01.2011 në ora 17:56 min, 4.8 kg, 55cm i gjatë”, ka shkruar Pacolli në profilin e tij. Pacolli ka qenë i martuar me vajzën italo-shqiptare Anna Oxa, nga viti 1999 deri me 2002. Ai ka edhe një djalë tjetër si dhe tre vajza.
