Kryeministri i Kosovës, Albin Kurti, ka vizituar sot komunën e Leposaviqit. Me të ishte edhe ministri i Administrimit të Pushtetit Lokal, Elbert Krasniqi.
Lista Serbe nuk është se e ka ‘mirëpritur’ këtë vizitë të kryeministrit të vendit, Albin Kurtit në Leposaviç.
Lista Serbe përmes një postimi në rrjetin social “Facebook”, ka thënë se vizita e Kurtit bashkë me ministrat e qeverisë ka për ‘qëllim destabilizimin e situatës në terren dhe shkaktimin e tensioneve. 
“Kërkojmë që organizatat kompetente ndërkombëtare të reagojnë ndaj këtij provokimi të dukshëm dhe të kërkojnë nga populli i tyre që të ndalojë shtypjen e popullit serb, i cili kësaj radhe tregoi vetëpërmbajtje dhe durim të jashtëzakonshëm”, ka thënë Lista Serbe.
