Kreu i AKR-së Ramush Haradinaj i cili gjendet në paraburgim pasi që u arrestua nga autoritetet franceze në Francë ka dërguar një porosi për siç tha ai miqtë e Serbisë.
Ai në një status në rrjetin social facebook ka shkruar se është për keqardhje se si disa shtete, ende respektojnë vendimet e ish regjimit të Millosheviqit. 
Statusi i plotë:
Të dashur qytetarë të Kosovës,
Është për keqardhje se si disa shtete, ende respektojnë vendimet e ish regjimit të Millosheviqit, ndërsa plot shtete të tjera siç janë Gjermania, Austria e të tjerë, tashmë janë ndarë përfundimisht prej atij regjimi dhe nuk i zbatojnë “poternicat” e tyre.
Ne si popull e si individë, nuk jemi trembur nga tanket e Millosheviqit e lere më nga fletarrestet e tij.
Kam një porosi për miqtë e Serbisë, brenda dhe jashtë Kosovës, „Rrugën e shtetit të Kosovës, nuk do të mund ta ndalë askush“.
Nuk i kemi rënë në qafë askujt dhe nuk do të lejojmë të na bjerë në qafë askush!
Do të takohemi shpejt në Kosovë!
Juaji Ramush Haradinaj
