Antonio Conte, trajneri i Chelseas, po mendon që ta transferojë yllin e Arsenalit, Alexis Sanchez.
Alexis Sanchez ende nuk ka nisur bisedimet me Arsenalin për vazhdimin e kontratës, e cila skadon në verën e vitit 2018.
Sipas tabloidit britanik, “Daily Mirror”, Chelsea po mundohet ta shfrytëzojë këtë situatë duke e transferuar kilianin në Stemford Bridge.
Antonio Conte është duke e kërkuar një lojtar shpërthyes, i cili do të bashkëpunonte me Diego Costa.
Dhe, alternativa më e mirë për Chelsean është Sanchez. Ekipi londinez shpreson që me një ofertë të majme ta transferojë lojtarin gjatë verës nga Arsenali.
