Portali online “Almakos” ka publikuar një lajm, në të cilin thuhet se Presidenti i Turqisë, Rexhep Erdogan ka thënë se politikanët e Kosovës janë të fëlliqur dhe të korruptuar.
“Almakos”, portali shqiptar nga Maqedonia, ka publikuar një lajm në të cilin thuhet se Presidenti i Turqisë i ka quajtur politikanët e Kosovës “të fëlliqur”. Por, krejt çka shkruhet në këtë lajm të publikuar sot (e mërkurë) në orën 16:30, është vetëm kjo deklaratë e Erdoganit dhe nuk ka asnjë informatë tjetër se ku dhe me çfarë rasti dhe motivi e ka thënë këtë Presidenti turk. 
“Presidenti i Turqisë Rexhep Erdogan, ka bërë një deklarate interesante ne lidhje me politikanet e Kosovës, duke i quajtur si njerëz te flliqt te cilët vetëm vjedhin.
‘Shumë projekte te Turqisë u ndaluan nga Kosova, dhe ketë e bene vetëm disa politikan te fëlliqur te çilet dëshirojnë vetëm te pasurohen’ u shprehë Erdogan”, shkruan në tekstin e publikuar nga ky medium./Express/
