Në kuadër të vizitës zyrtare në Suedi, deputeti i Partisë Demokratike të Kosovës, njëherësh Koordinator për Organizimin e PDK-së në Mërgatë, Elmi Reçica, së bashku me kryetarin e Ferizajt, Agim Aliun, kanë vizituar familjen e heroit të Kosovës, Enver Topalli.
Deputeti Reçica dhe kryetari Aliu, në familjen e heroit të Kosovës, Enver Topallit, u pritën nga bashkëshortja e heroit, Halimja, bijtë dhe vëllai i heroit, me ç’rast diskutuan për gjendjen aktuale në Kosovë si dhe për Mërgatën tonë, sfidat e tyre, integrimin në shoqërinë ku ata jetojnë, si dhe ruajtjen e identitetit kombëtar.
Postimi i plotë i deputetit Reçica: 
Gjatë vizitës zyrtare në Suedi, së bashku me Agimin, në Halmstad, vizituam familjen e veprimtarit emblematik të lëvizjes kombëtare, ish të burgosurit politik, Heroit të Kosovës, Enver Topallit.
U mirëpritëm nga gruaja e Enverit, Halimja, djemtë Loriku, Edliri dhe vëllau Avniu.
Patëm kënaqësinë që të bashkëbisedonim për shumë çështje në përgjithësi dhe në veçanti për gjendjen aktuale në Kosovë si dhe për Mërgatën tonë, sfidat e tyre, integrimin në shoqërinë ku ata jetojnë, si dhe ruajtjen e identitetit kombëtar.
Në këtë kohë krize ekonomike që po përjeton Kosova, Mërgata po vazhdon të jetë njëri nga burimet kryesore të financimit dhe mbajtjes gjallë të shumë familjeve në Kosovë.
https://www.facebook.com/photo/?fbid=692822418868785&set=pcb.692822478868779
https://m.facebook.com/story.php?story_fbid=692822478868779&id=100044230999664&sfnsn=mo
