Pas triumfit në Botërorin e Katarit, Argjentina është bërë komplet e “çmendur” pas Leo Messit.
Nëse deri tash populli e donte “pleshtin” si lojtar, tash është i gatshëm t’ia japë atij edhe udhëheqjen e vendit.
Sipas një sondazhi të bërë nga mediumi “RMC Sport”, 44% të të intervistuarve kanë thënë se janë të gatshëm ta votojnë yllin e Paris Saint-Germainit si president të shtetit të tyre, përcjell “Gazeta Express”.
38% janë shprehur kundër, kurse 18% kanë thënë “mund të jetë”.
Pas Kupës së Botës, argjentinasit janë duke e demonstruar dashurinë për 35 vjeçarin në mënyra të ndryshme.
Së fundmi, për shembull, Universiteti i Katarit ka vendosur që dhoma numër B201, ku ishte akomoduar Lionel Messi gjatë Botërorit, do të bëhet një lloj muzeu miniaturë.
Është një ide e lezetshme, e cila sigurisht që është më e realizueshme në krahasim me atë që Messi të bëhet president i Argjentinës.
