Ambasada e Shteteve të Bashkuara të Amerikës ka njoftuar se i ka dhuruar Kosovës një skaner Rapiscan të prodhuar në SHBA, në vlerë prej 3 milionë dollarësh.
Përmes një postimi në Facebook, Ambasada amerikane ka theksuar se luftimi i trafikimit të paligjshëm dhe parandalimi i përhapjes së mallrave të falsifikuara kontribuon në forcimin dhe begatimin e bizneseve amerikane dhe kosovare.
Sipas njoftimit, ky donacion ka për qëllim forcimin e sigurisë kufitare dhe lehtësimin e tregtisë së ligjshme, duke përdorur teknologji të avancuar.
“Kjo është arsyeja pse Shtetet e Bashkuara janë krenare që forcojnë sigurinë kufitare të Kosovës përmes një skaneri Rapiscan të prodhuar në Amerikë me vlerë 3 milionë dollarë. Teknologjia përmirëson zbulimin, mbështet tregtinë legjitime dhe përparon interesat e përbashkëta të sigurisë dhe ekonomisë”, thuhet në njoftimin e Ambasadës së SHBA-së.
