Tetë persona kanë humbur jetën në një aksident të rëndë në rrugën Këlcyrë-Përmet, të martën rreth orës 04:00 të mëngjesit.
Aksidenti ka ndodhur pranë fshatit Kuqar të Shqipërisë, sipas njoftimit të Policisë.
Shtatë persona dyshohet se nuk janë shtetas të Shqipërisë, ndërkaq drejtuesi i automjetit nga Shkodra. 
Policia ka thënë se shtatë emigrantët e paligjshëm së bashku me shoferin humbën jetën në vendin e ngjarjes.
Drejtuesi i automjetit dyshohet se ka humbur kontrollin e automjetit dhe ka dalë nga rruga duke rënë në lumin Vjosa.
Pamjet e para nga vendi i ngjarjes tregojnë një automjet të shkatërruar plotësisht dhe thuajse të rrafshuar nga përplasja e fortë e rënies në lumin Vjosë.
Në vendngjarje ndodhet grupi hetimor i cili nën drejtimin e Prokurorit po punon për zbardhjen e rrethanave dhe shkakut të aksidentit.
Në vendngjarje ndodhen edhe dy grupe të Forcës Kombëtare të Sigurisë.
Ndërkaq, sipas A2, referuar të dhënave paraprake, viktimat dyshohet se vijnë nga vendet e Lindjes së Mesme, të cilët po transportoheshin me një automjet tip Benz.
