Ndihmës sekretari amerikan Todd Robinson ka arritur në Kosovë mëngjesin e sotëm.
Ambasada e SHBA’së në Kosovë ka njoftuar se ai u ndal në Vërmicë ku diskutoi për rolin jetik të bashkëpunimit kufitar në luftimin e krimit të organizuar dhe trafikimit ndërshtetëror.
Në fotografitë që ka postuar ambasada shihet se Robinson është takuar me drejtorin e Policisë së Kosovës, Gazmend Hoxha. 
Robinson fillimisht u ndal në Tiranë, ku u takua me kryeministrin e Shqipërisë, Edi Rama.
Në Kosovë ai do të qëndroj më 20-22 mars, por nuk do të takohet me kryeministrin e vendit, sikur në Tiranë. Në Prishtinë, ai do ta takojë presidenten Vjosa Osmani.
“Nga data 20-22 mars, Ndihmës Sekretari Robinson do të udhëtojë në Prishtinë, Kosovë, ku do të takohet me Presidenten e Kosovës Vjosa Osmani dhe me partnerët në sektorin e zbatimit të ligjit dhe drejtësisë”, njoftoi DASH.
