Luka Modric ka kritikuar përdorimin e teknologjisë për përcaktimin e rasteve të dyshimta në Kampionatin botëror për klube në Japoni.
Por, mendim të kundërt kanë shfaqur Zinedine Zidane dhe Sergio Ramos.
Trajneri Zinedine Zidane ka deklaruar se në fillim duket konfuze, e vështirë, por futja e teknologjisë është një gjë e mirë. 
“Po, është diçka konfuze. Çdo fillim është i vështirë, por futja e teknologjisë është një gjë e mirë. Ne duhet të jemi të durueshëm”, ka deklaruar Zidane, përcjell lajmi.net.
Mendim të njëjtë ka pasur edhe mbrojtësi Sergio Ramos.
“Ka mijëra mendime rreth kësaj, por unë mendoj se futja e teknologjisë është një vendim i mirë që do ta ndihmojë futbollin”, ka deklaruar Ramos
