Kandidati për kryetar të Prishtinës, Uran Ismaili, ka marrë pjesë sot në Maratonën “Prishtina 2025”, duke vrapuar 10 kilometra, pavarësisht angazhimeve të shumta në fushatë.
Ismaili theksoi se Maratona është një simbol i bashkimit dhe një provë që, kur punojmë së bashku, mund të arrijmë gjithçka. “E nisëm këtë maratonë bashkë me dashni dhe energji për qytetin tonë, dhe kështu do ta vazhdojmë edhe 4 vitet e ardhshme,” u shpreh ai.
Ai ishte shoqëruar nga bashkëshortja, Arizona, po ashtu një maratoniste e pasionuar, si dhe disa bashkëpunëtorë të tij.
