Komisioni Qendror i Zgjedhjeve ka nisur që nga dita e djeshme numërimin e votave për kandidatët për deputetë.
Deri më tani janë numëruar 673 vendvotime, apo 26.32 për qind e votave gjithsej.
Sipas të dhënave të publikuara nga KQZ, kandidati i Partisë Demokratike të Kosovës, Qendrim Kryeziu, ka marrë 1 mijë e 46 vota.
Kryeziu kishte tërhequr vëmendje disa ditë më parë me një deklaratë të pazakonshme, kur tha se nuk e kishte votuar as veten në ditën e zgjedhjeve. Ai kishte deklaruar se u kishte dhënë fjalën 10 kandidatëve të tjerë nga radhët e partisë së tij dhe se kishte vendosur ta mbante atë premtim.
