Beograd, 1 qershor – Shefja e delegacionit të Kosovës në bisedime me Serbinë Edita Tahiri ka deklaruar se Serbia “duhet të gjejë Charles de Gaulle-in e vet i cili do të merrte vendimin për njohjen e Kosovës ashtu si bëri shtetari francez i cili atëherë e pati njohur Algjerinë.
“Statusi i Kosovës është zgjidhur. Kosova është shtet i pavarur, sovran e demokratik dhe ky kapitull është mbyllur. Ky është realiteti dhe Serbia me këtë realitet duhet ta zërë hapin”, ka thënë Edita Tahiri për javoren e Beogradit NIN. Tahiri rreth ideve për ndarjen e Kosovës ka thënë “se ato kurrë nuk do të jenë pjesë e bisedimeve sepse ato janë pjesë e politikës së vjetër hegjemoniste të Serbisë”.(KohaNet)
