Ish-kryenegociatorja thotë se pavarësisht heqjes së pjesshme të sanksioneve të BE-së, Kosova mbetet e ndëshkuar për shkak të dështimeve qeveritare.
Ish-kryenegociatorja për dialogun Kosovë–Serbi, Edita Tahiri, ka reaguar lidhur me heqjen e pjesshme të sanksioneve të Bashkimit Evropian ndaj Kosovës, duke theksuar se vendi vazhdon të jetë i dëmtuar dhe i ndëshkuar për shkak të, siç tha ajo, dështimeve të qeverisë së kaluar.
Përmes një postimi publik, Tahiri ka theksuar se vetëm një ndryshim politik që mund të vijë nga zgjedhjet e 28 dhjetorit mund ta nxjerrë Kosovën nga situata aktuale. 
“Gjysma e sanksioneve u hoqën nga BE-ja – Kosova vazhdon e ndëshkuar, e dëmtuar për shkak të dështimeve të qeverisë së kaluar – vetëm ndryshimi që mund të vijë nga zgjedhjet e shpëton Kosovën nga kjo situatë fatkeqe”, ka shkruar Tahiri.
