Jenniffer Lopez nuk e ka duruar shumë statusin e beqares pas divorcit nga Marc Anthony, me të cilin ishte e martuar prej 7 vitesh.
Sipas ‘TMZ’, këngëtarja duket se ka gjetur një partner të ri. Jennifer Lopez është parë duke darkuar me aktorin Bradley Cooper mbrëmjen e kaluar në New York.
Jennifer Lopez njoftoi ndarjen nga bashkëshorti i saj Marc Anthony në 15 korrik, ndërsa aktori Bradley Cooper është ndarë nga aktorja Renee Zellwegger marsin e kaluar pas një viti frekuentimi. 
Përsa i përket karrierës profesionale, Lopez po xhiron filmin “Parker”, ku do të interpretojë edhe Jason Statham, ndërsa Cooper do të shfaqet sërish në sallat e kinemasë me filmin e ardhshëm “Words”, ku interpretojnë edhe aktorët Dennis Quaid, Zoe Saldana dhe Olivia Wilde.
