Arjen Robben, ylli i kombëtares hollandeze, shprehu zhgënjimin e tij pas eliminimit të “Portokallinjve” nga EURO 2012 pasi kanë humbur 3 ndeshjet e “Grupit të Ferrit”.
“Kemi humbur të tre sfidat (Danimarkë, Gjermani dhe Portugali) dhe kjo është e vështirë për tu pranuar, por është realiteti. Është e vështirë të shpjegosh arsyet e këtij dështimi”, theksoi mesfushori hollandez pas ndeshjes së humbur 2-1 ndaj Portugalisë.
“Ndaj Portugalisë e nisëm mirë, por më pas nuk luajtëm siç duhet dhe humbëm”, theksoi Robben. 
Më pas, lojtari i Bayern Munchen pranoi se brenda stafit të kombëtares ka pasur probleme: “Kishte disa gjëra që nuk na ndihmuan të kishim atmosferën e duhur, por nuk do ia themi mediave.”
